අ.පො.ස උසස් පෙළ කියන්නේ ඔබේ ජීවිතයේ ඉතාමත් තීරණාත්මක සංධිස්ථානයක්. ඊට හේතුව උසස් පෙළ විශිෂ්ට ලෙස සමත්වීම තුළින් විශ්වවිද්‍යාලයට ඇතුළත් වී උපාධියක් ලබා ගැනීමට හෝ වෙනත් වෘත්තීය විභාග සදහා ප්‍රවේශ වීමට ඇති හැකියාවයි.

නමුත් උසස් පෙළ ඔබේ ජීවිතයට මුහුණදීමට ඇති ඉතාමත් අසීරුතම අභියෝගයකි. වසර දෙකක දීර්ඝ අධ්‍යයනයකින් පසු පැවැත්වෙන ඉතා ඉහළ ප්‍රමිතියකින් යුත් මෙම විභාගයට මුහුණදීම ඇත්තෙන්ම අභියෝගයක්. නමුත් මෙම අභියෝගය සාර්ථකව ජය ගන්නේත් ඔබ වැනි ම ශිෂ්‍යයන්මයි. ඔවුන්ගේ සාර්ථකත්වයේ රහස ඔවුන් තෝරාගන්නා උපකාරක පන්තිවල සාර්ථකත්වයයි.

එබැවින් ඔබ සහභාගි වන උපකාරක පන්ති පිළිබද දැඩි සේ සැලකිලිමත් වීම අනිවාර්යයි. පන්තියක් තෝරාගැනීමේ පටන්ම ඔබ ඒ ගැන සැලකිලිමත් විය යුතුයි. වායු සමීකරණය කරන ලද දේශන ශාලා, වර්ණවත් නිබන්ධන වැනි භෞතික කරුණු පසෙකලා අඩු සිසුන් පිරිසක් සහභාගි වන නව විෂය නිර්දේශයට අනුව සරලව විෂය කරුණු තේරන කරදෙන නොදන්නා කරුණු පෞද්ගලිකව අසා දැනගත හැකි පන්තියක් තෝරාගැනීම අතිශය වැදගත්.

එම නිසා උසස් පෙළ පිළිබද අනවබෝධයෙන් දිවයන පන්ති රැල්ලෙන් මිදී තමන්ට ගැලපෙන පන්තියක් තෝරාගැනීමට සෑම ශිෂ්‍යයෙක්ම උනන්දු විය යුතුය.